ஞாயிறு, 9 டிசம்பர், 2018

அதுதான் நிதர்சனம்




உயிருக்கு உயிராக நேசித்த

உற்ற நண்பர்கள்

வாழ்ந்தது அந்தக் காலம்



காசை நேசிப்பவர்கள் இன்று

கூடிப்போனதால்

காணாமல் போனது நல்ல நட்பு



வளமாக வாழ்ந்தபோது

நம்மை புரிந்து கொண்ட

நண்பர்கள்



வறுமையில் வாடும்போது

நல்ல நண்பர்கள் யாரென்று

நமக்கு புரிய வைப்பார்கள்



எப்போதும் செலவழித்தால் தான்

மெயிலும், மொபைலும்

நாள் முழுதும் நண்பர்களாகும்



அறியாத வயதில்

அழுபவரைக் கண்டு தானும்

அழும் குழந்தையும் நண்பன் தான்



கிடைத்த மிட்டாயை

காக்காக் கடி கடித்துக் கொடுத்த

சிறுவனும் நண்பன் தான்



பக்கத்து இருக்கையில் அமர்ந்து

பண்ணும் சேட்டைகளுக்குதுணை

புரிந்தவனும் நண்பன் தான்



மக்களை மதித்து

மக்களுக்கு என்றும் உதவும்

மாமனிதனும் நல்ல நண்பன் தான்



நல்லவர்களாக நாமிருந்தால்

நல்ல நண்பர்கள் கிடைப்பது

நிச்சயம், அதுதான் நிதர்சனம்

கருத்துகள் இல்லை:

கருத்துரையிடுக