உன்னோட இடத்துக்கு
என்னோட சனங்கள்
வந்து போனதுபோல்
என்னோட இடத்துக்கு
உன்னோட நடமாட்டம்
உதிரம் பயத்தில் உறையுது
காட்டிலே நீ இருந்தால்
கலக்கமில்லை எங்களுக்கு
ஊருக்குள் நீ புகுந்தால்
உணவு தேடி வந்தாயோ
உறவறுக்க வந்தாயோ
ஆடு மாடுக்கு தான் வெளிச்சம்
கள்வனைப்போல்
இரவில் வந்து-நீ
வயித்துக்கு தேடயிலே
பாவம் ஏதும் பார்க்காமல்
மக்களையும் கொல்வதுபோல்
நாங்களும் மாறிவிட்டோம்
உறவுகளும் உங்களைப்போல்
வளரும் வரை தாயுறவு
வளர்ந்த பின்னே
மறந்து பிரிவது போல்
தொடர்வதில்லை
எங்கள் சொந்தங்களும்
கெடுதல் பல இருந்தாலும்
உங்களோட வரவாலே
நாட்டுக்கு நல்லது தான்
சனத்தொகையும்
சாலை மறியலும்
சன்னமாய்க் குறைந்துவிடும்.
