பயிராட்டம்

சின்னஞ்சிறு குழந்தைகள்

சேர்ந்து நடந்து வந்து

குலவித்தை காட்டுவதுபோல்

குதித்து விளையாடும்

காட்சி மனதை மகிழ்விக்கும்

குதித்ததில் காயம்பட்டு

கண் கலங்கியதால்

குரலெழுப்பி அழுகின்ற

குழந்தைபோல

அருவி நீர்

ஒன்று சேர்த்த அருவி நீரை

ஒற்றுமையாய் வாழ

கற்று கொடுத்து

கைபிடித்து அழைத்து செல்லும்

அன்னைபோல ஆறு

வாழையடி வாழையாய்

வந்துதித்த பிள்ளைகளுக்கு

வாழும் பெற்றோரின் செயல்கள்

வழிகாட்டும் ஆறுபோல்,

வளரும் பிள்ளைகள் பயிராட்டம்.