கூர்மை படுத்தும்

நண்பர்கள் இருவர்

நடை பயணம் போகையில,

புகையிலைச் செடியை

நுகர்ந்து பார்த்த கழுதை ஒன்று

முகத்தைத் திருப்பிக் கொண்டு

நின்றதைக் கண்ட

நண்பன் சொன்னான்

“ புகையிலை கழுதைக்குக் கூட

  பிடிக்கவில்லையே!”

அடுத்த நண்பன்

அவனது புகையிலை பழக்கத்தை

கிண்டல் செய்வதாகக் கருதி

சிரித்துக்கொண்டே சொன்னான்

“ கழுதைகள் புகையிலையை

  எப்போதும் விரும்பாது”

 அர்த்தத்தை உணர்ந்த நண்பர்கள்

இருவரும் அகமகிழ்ந்தனர்

அறிவாற்றலை

அறிவுதான் கூர்மை படுத்தும்