மேடையில் முழங்கும்
முடி சூடா வாசகங்கள்
வேலை முடிந்தது போல்
வீதியிலேயே விட்டு விலகும்
உதிரும் சொற்களெல்லாம்
உதிரத்தை உசுப்பினாலும்
உயர்த்தாதென மனம் அறியும்
உடல் வனம் புக துணியும்
மண்ணும், தாவரமும்
மனித பசிக்கு வழிகாட்டும்,
இயலாதபோது—தன்னோடு
அரவணைத்துக்கொள்ளும்
சுதந்திரம் சுவாசமாகும்—காடு
சொர்க்கமாகும்
விலங்குகளும், பறவைகளும்
உற்ற உறவாகும்
காசின்றி தாகம் தணிக்கும்
காட்டு நீரெல்லாம்,
அரசியல், சாதி சாக்கடைகள்
இங்கு ஏதுமில்லை.
முற்றும் துறந்த மனதுக்கு
பற்றுமில்லை, பகையுமில்லை
நாட்டு மாந்தரைப்போல்
காட்டு விலங்குகள் வஞ்சிக்காது
கடைசி வரை கைவிடாது.
கருத்துகள் இல்லை:
கருத்துரையிடுக