கால்களே இல்லாதபோதும்
சிகரங்களைத் தொட்டுவிடும்
ஆற்றலுண்டு
வாகனவசதி கிடைக்காதபோதும்
உலகையே வலம் வரும்
வலிமையுண்டு
உறவாகி வராதபோதும்
அனைவரையும் அரவணைக்கும்
கருணையுண்டு
பெருமையுற்று இருந்தாலும்
வசதி படைத்தவரோடு உறவாடி
மகிழ்வைத் தந்ததுண்டு
ஓடிப்போக நினைக்காதபோதும்
நிலைத்து ஒருவரிடம் இருக்காத
பங்கமுண்டு
அடிமைபோல் பணி புரிந்தாலும்
ஆட்டி படைக்கும் அதிகார
ஆணவமுண்டு
உன்னால் நிம்மதி இழந்தபோதும்
நீ பிரிந்து சென்று கவலை தந்த
அகங்காரமுமுண்டு
எனக்கு நீ அடிமையாயிருந்ததால்
நீ பிரிந்து சென்று என்னை அடிமையாக்கி
பழி வாங்கியதுமுண்டு
வசதி உள்ளோர்க்கு மகிழ்ச்சி தந்தும்
ஏழை, எளியோரை புறக்கணிக்கும்
கல்நெஞ்சமுண்டு
ஏற்ற இறக்கம் ஆயிரமிருந்தாலும்
உற்ற நண்பனைப்போல் காக்கும்
திறனுண்டு இந்த பணத்துக்கு.
கருத்துகள் இல்லை:
கருத்துரையிடுக